Google ADS

Klevis Balliu kërcënon Ramën: Do bëjmë vetëgjyqësi!

23:44 | 29 Mars 2019
Trina Galanxhi

Banorët e “Astirit” kanë protestuar sërish pasditen e sotme për të kundërshtuar projektin e Unazës së Madhe.

Në mbështetje të banorëve ishte edhe ish-deputeti demokrat, Klevis Balliu. Ai bëri thirrje për largimin e kryeministrit Edi Rama dhe tha se nëse nuk do të ketë drejtësi, do të bëjnë vetëgjyqësi.

“Ju e keni problemin me protestën sepse nuk e dini se protesta është një vlerë në demokraci. Shtatë protestuesit e ndaluar do të na kenë gjithmonë afër, ndaj tyre nuk ka asnjë provë.

Ju bëj thirrje çdo institucioni të shtetit që të tërheqë këtë gomarin që qeveris sot.

Por ai duhet të dijë një gjë se kur bie drejtësia bëhet vetëgjyqësia”, deklaroi Klevis Balliu nga “Astiri”.

Shpërndaje në rrjete sociale

Lajmet më të lexuara

Të ngjashme

Foto lajm